DAYÊ TU MEGRÎ

Mizgîn! Tu şabe va em dixwênin
Azadîxwazên cîhan dibînin
Divê ku dijmin bi zor derênin

Va em şiyarbûn, xwende û zana
Me rê tev girtin ji ber nezana
Zû, zû me naskir ev reng dizana

Dijmin du nifşin: hûndur û derve
Hinek di binve, hinek di serve
Kurdên nezan jî tên me bi serde

…

Milên xwe bidne milên me şêran
Di şevreşan bin rengê sitêran
şêr tevde şêrin, çi jin çi mêran…

Cegerxwin (Ji helbesta Dayê tu megrî)